Ежедневная Псалтирь

Изменить размер текста: AAA

«Канон молебный ко Пресвятой Богородице, поемый во всякой скорби душевной и обстоянии» с прибавлением к нему  молитвы о восстановлении мира.

Приидите, поклонимся Цареви нашему Богу. (поклон)
Приидите, поклонимся и припадем Христу, Цареви нашему Богу. (поклон)
Приидите, поклонимся и припадем Самому Христу, Цареви и Богу нашему. (поклон)

Псалтирь

Псаломъ 143
1 Благословен Господь Бог мой, научаяй руце мои на ополчение, персты моя на брань.
2 Милость моя и прибежище мое, заступник мой и Избавитель мой, защититель мой, и на Него уповах: повинуяй люди моя под мя.
3 Господи, что есть человек, яко познался еси ему? Или сын человечь, яко вменяеши его?
4 Человек суете уподобися: дние его яко сень преходят.
5 Господи, преклони небеса, и сниди: коснися горам, и воздымятся:
6 блесни молнию, и разженеши я: посли стрелы Твоя, и смятеши я.
7 Посли руку Твою с высоты, изми мя и избави мя от вод многих, из руки сынов чуждих,
8 ихже уста глаголаша суету, и десница их десница неправды.
9 Боже, песнь нову воспою Тебе, во псалтири десятоструннем пою Тебе:
10 дающему спасение царем, избавляющему Давида раба Своего от меча люта.
11 Избави мя и изми мя из руки сынов чуждих, ихже уста глаголаша суету, и десница их десница неправды:
12 ихже сынове их яко новосаждения водруженая в юности своей, дщери их удобрены, преукрашены яко подобие храма:
13 хранилища их исполнена, отрыгающая от сего в сие: овцы их многоплодны, множащыяся во исходищих своих: волове их толсти:
14 несть падения оплоту, ниже прохода, ниже вопля в стогнах их.
15 Ублажиша люди, имже сия суть: блажени людие, имже Господь Бог их.
Псаломъ 144
1 Вознесу Тя, Боже мой, Царю мой, и благословлю имя Твое в век и в век века.
2 На всяк день благословлю Тя, и восхвалю имя Твое в век и в век века.
3 Велий Господь и хвален зело, и величию Его несть конца.
4 Род и род восхвалят дела Твоя и силу Твою возвестят:
5 великолепие славы святыни Твоея возглаголют и чудеса Твоя поведят:
6 и силу страшных Твоих рекут и величие Твое поведят:
7 память множества благости Твоея отрыгнут и правдою Твоею возрадуются.
8 Щедр и милостив Господь, долготерпелив и многомилостив.
9 Благ Господь всяческим, и щедроты Его на всех делех Его.
10 Да исповедятся Тебе, Господи, вся дела Твоя, и преподобнии Твои да благословят Тя:
11 славу царствия Твоего рекут и силу Твою возглаголют,
12 сказати сыновом человеческим силу Твою и славу великолепия царствия Твоего.
13 Царство Твое царство всех веков, и владычество Твое во всяком роде и роде: верен Господь во всех словесех Своих и преподобен во всех делех Своих.
14 Утверждает Господь вся низпадающыя и возставляет вся низверженныя.
15 Очи всех на Тя уповают, и Ты даеши им пищу во благовремении:
16 отверзаеши ты руку Твою и исполняеши всякое животно благоволения.
17 Праведен Господь во всех путех Своих и преподобен во всех делех Своих.
18 Близ Господь всем призывающым Его, всем призывающым Его во истине:
19 волю боящихся Его сотворит, и молитву их услышит, и спасет я.
20 Хранит Господь вся любящыя Его, и вся грешники потребит.
21 Хвалу Господню возглаголют уста моя: и да благословит всяка плоть имя святое Его в век и в век века.



Слава, и ныне:

Аллилуия, аллилуия, аллилуия. Слава Тебе, Боже. (трижды)

Господи, помилуй. (трижды)

Слава:

Милосердный Господи, да будет воля Твоя Святая, хотящая всем спастися и в разум истины прийти. Спаси и помилуй рабов Твоих:
патр. Кирилла
еп. Мефодия
прот. Анатолия

прот. Павла
Анну
Петра
Николая
архим. Иова
Елену
Татиану
иер. Александра

иер. Бориса
Надежду
Александра

Вадима
Алексия
Ольгу
отр. Агафию
отр. Елисавету
мл. Меланию
Елену
Валерию

Нину
Евгения
бол. Татиану
бол. Елену

Татиану
Валентину
Фотинию

Елену
Евгения
Ирину
Димитрия
Даниила

Наталию
Илию
Михаила
Ирину
Олега

Веру
Екатерину
Веру
Ольгу

Лидию
Сергия
Иоанна
Александра

Михаила
бол. Ирину
Марию
oтр. Арсения
Георгия

Ксению
Григория
Александра
Савву
Валентину

Владимира
бол. Любовь
Марию со чадами
Марию

Наталию
Романа
Алексия
Александра
бол. Георгия

Людмилу
Евгения
Александру
Наталию
Алексия
отр. Александра
мл. Анастасию
мл. Аполлинарию
мл.Илию

Елену
Екатерину
Андрея
Людмилу
Михаила
отр. Илью
мл. Ангелину

Елену
Виктора
Вячеслава
Андрея

Евгения
отр. Анастасию
Нину
Татиану
Даниила

Ольгу
прот. Василия
Сергия
Ларису
бол. отр. Анастасию

Галину
Николая
Дионисия
Людмилу

Елену
бол. Александра
бол. Елену
бол. Алексия

Романа
Марину
отр. Елену
отр. Евдокию
мл. Николая
Галину
Любовь

Ирину
Владимира
Евгения
Анну

Анатолия
Ирину
Аллу
Марию

Наталью
иер. Алексия
Максима
Глеба
Андрея

Фотинию
Марию со чадом
Ярослава
Анну со чадами
Андрея
Анатолия

Надежду
Николая
Людмилу
Илию


Петра
Елисавету
Софию
Татиану

Зинаиду
Арсения
отр. Елисавету
Владимира

Марию
Александра
Марину
Александра

Татиану со чадами
Владимира
Димитрия
Никиту

Александра
бол. Ирину
Димитрия
отр. Георгия
Ирину
Ксению

Ирину
схимон. Аскитрею
Вячеслава
Елену
Анастасию
бол. Викторию

Ксению
Евгению
бол. Нину
Владимира
Михаила
Алексия
Евгению

Ольгу
бол. игум. Петра
Наталью
Николая
бол. Сергия

Антония
отр. Дионисия
Зою
Владимира
Дмитрия

Василия
Павла
Зинаиду
Валентина

Наталью
отр. Дионисия
Ксению
Виктора
Сергия

Иулию
Кирилла
Анну
Александра

Ольгу
отр. Константина
Иоанна
Александра
Валентину

Александру
отр. Михаила
мл. Георгия
Виталия
Светлану

Ольгу
Димитрия
Екатерину
Вячеслава
Димитрия
воина Андрея

Викторию
Людмилу
Георгия
Сергия
Дарью
отр. Веру
и всех заповедавших нам молитися о них. Подаждь нам, Господи, душевный мир и телесное здравие, прости всякое согрешение, вольное и невольное, огради от врагов видимых и невидимых, малодушных укрепи, заблудших обрати, всех же нас утверди в любви Твоей, да пребудем с Тобой во веки.

И ныне:


Псалтирь

Псаломъ 145
1 Хвали, душе моя, Господа:
2 восхвалю Господа в животе моем, пою Богу моему, дондеже есмь.
3 Не надейтеся на князи, на сыны человеческия, в нихже несть спасения.
4 Изыдет дух его, и возвратится в землю свою: в той день погибнут вся помышления его.
5 Блажен, емуже Бог Иаковль помощник его, упование его на Господа Бога своего,
6 сотворшаго небо и землю, море, и вся, яже в них: хранящаго истину в век,
7 творящаго суд обидимым, дающаго пищу алчущым. Господь решит окованныя:
8 Господь умудряет слепцы: Господь возводит низверженныя: Господь любит праведники.
9 Господь хранит пришелцы, сира и вдову приимет, и путь грешных погубит.
10 Воцарится Господь во век, Бог твой, Сионе, в род и род.
Псаломъ 146
1 Хвалите Господа, яко благ псалом: Богови нашему да усладится хваление.
2 Зиждай Иерусалима Господь: разсеяния Израилева соберет:
3 изцеляяй сокрушенныя сердцем и обязуяй сокрушения их:
4 изчитаяй множество звезд, и всем им имена нарицаяй.
5 Велий Господь наш, и велия крепость Его, и разума Его несть числа.
6 Приемляй кроткия Господь, смиряяй же грешники до земли.
7 Начните Господеви во исповедании, пойте Богови нашему в гуслех:
8 одевающему небо облаки, уготовляющему земли дождь: прозябающему на горах траву и злак на службу человеком:
9 дающему скотом пищу их, и птенцем врановым призывающым Его.
10 Не в силе констей восхощет, ниже в лыстех мужеских благоволит:
11 благоволит Господь в боящихся Его и во уповающих на милость Его.
Псаломъ 147
1 Похвали, Иерусалиме, Господа, хвали Бога твоего, Сионе:
2 яко укрепи вереи врат твоих, благослови сыны твоя в тебе.
3 Полагаяй пределы твоя мир, и тука пшенична насыщаяй тя:
4 посылаяй слово Свое земли, до скорости течет слово Его,
5 дающаго снег свой яко волну, мглу яко пепел посыпающаго,
6 метающаго голоть Свой яко хлебы: противу лица мраза Его кто постоит?
7 Послет слово Свое, и истает я: дхнет дух Его, и потекут воды.
8 Возвещаяй слово Свое Иакову, оправдания и судьбы Своя Израилеви:
9 не сотвори тако всякому языку, и судьбы Своя не яви им.



Слава, и ныне:

Аллилуия, аллилуия, аллилуия. Слава Тебе, Боже. (трижды)

Господи, помилуй. (трижды)

Слава:

Милосердный Господи, да будет воля Твоя Святая, хотящая всем спастися и в разум истины прийти. Спаси и помилуй рабов Твоих:
Илию
Игоря
Марину
отр. Анну

Валерия
Георгия
Иоанна
Ольгу

Ларису
Юрия
Димитрия
Тамару

Ирину
Наталию
Александру
Сергия

Ксению
Павла
отр. Екатерину
Иулию
Галину
Ирину
Валентину
Сергия

Александра
Викторию
Валерия
Георгия
Татиану
отр. Сергия

Валентину
Георгия
Даниила

Аллу
бол. Андрея
Татиану
Димитрия
Александра

иер. Сергия
Ольгу
Сергия
Анастасию

Наталию
Валерия
Стефана
Анну

Валентину
Владимира
Николая

Фотину
Зинаиду
бол. Иоанна
Максима

Надежду
Марину

Ирину
Георгия
Калерию
Елену
Вадима

Олега
Наталию
Александра
Анастасию

Всеволода
Анну
Артемия

Александра
Алексия
Иоанна

Вячеслава
Наталью
Илию

Георгия
Наталию
Димитрия
Анну
Анну
Ларису

Павла
бол. Владимира
Аллу
Нину

Александра
Киру
Тимофея
Елену

бол. Ирину
и всех заповедавших нам молитися о них. Подаждь нам, Господи, душевный мир и телесное здравие, прости всякое согрешение, вольное и невольное, огради от врагов видимых и невидимых, малодушных укрепи, заблудших обрати, всех же нас утверди в любви Твоей, да пребудем с Тобой во веки.

И ныне:


Псалтирь

Псаломъ 148
1 Хвалите Господа с небес, хвалите Его в вышних.
2 Хвалите Его вси Ангели Его: хвалите Его, вся силы Его.
3 Хвалите Его, солнце и луна: хвалите Его вся звезды и свет.
4 Хвалите Его, небеса небес и вода, яже превыше небес.
5 Да восхвалят имя Господне: яко Той рече, и быша: Той повеле, и создашася.
6 Постави я в век и в век века: повеление положи, и не мимо идет.
7 Хвалите Господа от земли, змиеве и вся бездны:
8 огнь, град, снег, голоть, дух бурен, творящая слово Его:
9 горы и вси холми, древа плодоносна и вси кедри:
10 зверие и вси скоти, гади и птицы пернаты:
11 царие земстии и вси людие, князи и вси судии земстии:
12 юноши и девы, старцы с юнотами.
13 Да восхвалят имя Господне: яко вознесеся имя Того единаго, исповедание Его на земли и на небеси.
14 И вознесет рог людий Своих: песнь всем преподобным Его, сыновом Израилевым, людем приближающымся Ему.
Псаломъ 149
1 Воспойте Господеви песнь нову: хваление Его в церкви преподобных.
2 Да возвеселится Израиль о сотворшем его, и сынове Сиони возрадуются о Цари своем.
3 Да восхвалят имя Его в лице, в тимпане и псалтири да поют Ему.
4 Яко благоволит Господь в людех Своих, и вознесет кроткия во спасение.
5 Восхвалятся преподобнии во славе и возрадуются на ложах своих.
6 Возношения Божия в гортани их, и мечи обоюду остры в руках их:
7 сотворити отмщение во языцех, обличения в людех:
8 связати цари их путы, и славныя их ручными оковы железными:
9 сотворити в них суд написан. Слава сия будет всем преподобным Его.
Псаломъ 150
1 Хвалите Бога во святых Его, хвалите Его во утвержении силы Его:
2 хвалите Его на силах Его, хвалите Его по множеству величествия Его:
3 хвалите Его во гласе трубнем, хвалите Его во псалтири и гуслех:
4 хвалите Его в тимпане и лице, хвалите Его во струнах и органе:
5 хвалите Его в кимвалех доброгласных, хвалите Его в кимвалех восклицания.
6 Всякое дыхание да хвалит Господа.



Слава, и ныне:

Аллилуия, аллилуия, аллилуия. Слава Тебе, Боже. (трижды)

Господи, помилуй. (трижды)

Слава:

Помяни, Господи, Боже наш, в вере и надежди живота вечнаго преставльшихся рабов Твоих, братий и сестер наших :
патр. Алексия

Родиона
Нину
Петра
Лидию

Петра
Зою
Елену

Евгению
Алексия
Валентину
Александра
Димитрия

Алексия
Антонину
Василия
Геннадия

Петра
Владимира
Евдокию
Валентину

Анну
Сергия
Савелия
Феклу
Рустика

Александра
Иоанна
Марию

Сергия
Иоанна
Нину
Александру

мон. Марию
Елену
Галину
Анатолия

Романа
Нину
Григория
Валерия

Николая
Марию
Лидию
Иоанна

Раису
Евфросинию
Александра

Григория
Клавдию
Агафию
Нину

Димитрия
Татиану
Николая
Георгия

Евфимия
Александру
Нину
Пелагею

Георгия
Нину
Татиану
Петра
Марию

Нину
Сергия

Михаила
Марию
Иоанна
Иустинию

Николая
Вячеслава
Надежду

Нину
Антонину
Виктора

Василия
Анну
Анну

Василия
Карпа
Марфу
Анну
Галину

Николая
Клавдию
Андрея
Владимира
Евгения
Александра
Антонину

Веру
Надежду
Феодосию

мон. Феклу
Николая
Николая
Веру
Матрону


Веру
Геннадия

Владимира
Владимира
Анну
Марию

Лидию
Екатерину
Татиану

Афанасия
Софию
Феодота
Анну

Виктора
Михаила
Валентину

прот. Анатолия
прот. Сергия
Елену
Дарью

Геннадия
Раису
Веру

прот. Стахия
Александра
Марию

Романа

Екатерину
Марину
Петра
Георгия

Романа
Романа
Игоря
Иоанна
Марию

Димитрия
Лидию
Петра
Веру

Антонину
Нину
Евгения
Григория

Василия
Веру
Василия
Феодосия

Леонида
Наталию
Александра
воина Матфея

Зинаиду

Марину
Тимофея

Геннадия
Лазаря
Марию
Александра
Николая
Галину
Татиану

 
и яко Благ и Человеколюбец отпущаяй грехи и потребляяй неправды, ослаби, остави и прости вся вольная их согрешения и невольная, избави их вечная муки и огня геенскаго и даруй им причастие и наслаждение вечных Твоих благих, уготованных любящим Тя: аще бо и согрешиша, но не отступиша от Тебе, и несумненно во Отца и Сына и Святаго Духа, Бога Тя в Троице славимаго вероваша, и Еди́ницу в Троице и Троицу во Единстве, православно даже до последняго своего издыхания исповедаша.
Темже милостив тем буди, и веру, яже в Тя вместо дел вмени, и со святыми Твоими, яко Щедр, упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков.

И ныне:


Трисвятое по Отче наш:

Tажe тропари, глас 8: Исполнение всех благих Ты еси, Христе мой, исполни радости и веселия душу мою, и спаси мя, яко Един Многомилостив.
Слава: Аще и согреших, Христе Спасе мой, пред Тобою, иного Бога разве Тебе не вем, дерзаю же на Твое благоутробие, обращающагося приими мя, Благоутробне Отче и Сыне единородне и Душе Святый, яко блуднаго сына, и спаси мя.
И ныне: Иного прибежища и теплого предстательства, разве Тебе, не вем, яко дерзновение имущи ко иже из Тебе рожденному, Владычице, помози и спаси мя, раба Твоего.


Господи, помилуй. (40 раз) и молитва:

Господи Иисусе Христе Боже мой, помилуй мя, грешнаго, и прости ми, недостойному рабу Твоему, елика Ти согреших чрез все живота моего время, и даже до днесь, и аще что яко человек согреших, вольная моя прегрешения и невольная, делом и словом, яже умом и мыслию, яже от совосхищения и невнимания, и многия моея лености и небрежения. Аще же именем Твоим кляхся, аще же лжекляхся, или хулих мыслию, или кого укорих, или оклеветах, или опечалих, или в нечесом прогневах, или окрадох, или блудствовах, или солгах, или тайно ядох, или друг достиже ко мне, и презрех eго, или брата оскорбих и преогорчих, или стоящу ми на молитве и псалмопении, ум мой лукавый на лукавая обхождаше, или паче лепаго насладихся, или безумно смеяхся, или кощунно глаголах, или тщеславихся, или гордихся, или доброту суетную видех и от нея прельстихся, или нелепая мне поглумихся. Аще в чесом о молитве моей нерадих, или заповедей духовнаго моего отца не сохраних, или празднослових, или ино что лукавое сотворих, сия бо вся и вящшая сих содеях, ихже ниже помню. Помилуй, Господи, и прости ми вся, да в мире усну и почию, поя, и благословя, и славя Тя, со Безначальным Твоим Отцем и с Пресвятым, и Благим, и Животворящим Твоим Духом, ныне и присно и во веки веков. Аминь.

Молитвы по прочтении нескольких кафизм или всей Псалтири

Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Трисвятое по Отче наш:

Таже тропари, глас 6: Помилуй нас, Господи, помилуй нас, всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава: Честное пророка Твоего, Господи, торжество, Небо Церковь показа, с человеки ликуют Ангели. Того молитвами, Христе Боже, в мире управи живот наш, да поем Ти: Аллилуиа.
И ныне: Многая множества моих, Богородице, прегрешений: к Тебе прибегох, Чистая, спасения требуя. Посети немощствующую мою душу и моли Сына Твоего и Бога нашего дати ми оставление, яже содеях лютых, Едина Благословенная.

Таже, Господи, помилуй (40 раз).
И поклонися, елико ти мощно.

Посем глаголи молитву сию со вниманием:
Многомилостиве и Премилостиве Господи и всего добра дателю, Человеколюбче, и всея вселенныя Царю, многоименитый Владыко и Господи!
Нищ и убог есмь аз, дерзаю призывати чудное и страшное, и святое имя Твое, егоже вся тварь Небесных сил страхом трепещут, Низу на земли неизреченнаго Твоего человеколюбия смотрение удивил еси, посланием возлюбленнаго Твоего Отрока, Егоже от безначальных недр Твоея Отеческия славы, неразлучным Божеством отрыгнул еси, да человеки со Ангелы во един состав устроит.
Помяни, Господи, моего уныния смирение, кал сый и персть, Тебе, неизглаголаннаго Света призываю, немощию плоти обложен, юже милостивне слово Твое понесе, и смертию Своею от работы вражия свободил есть душы нашя, да общники вся, иже верою ярем работы Твоея на ся вземшыя, славы Твоея сподобит их, от неяже сатана льстивый отпаде.
Помилуй мя, омраченнаго греховными помыслы, возведи ум мой удавленный тернием лености и лядиною непокорства.
Утверди сердце мое по Тебе горети, очима моима источник слез посли, и на конец исхода души моея сотвори мя безпорочна Твоего угодника, наставляя мя к Тебе подвизатися усердно.
Помяни, Господи, родители моя милосердием Твоим и вся ближния моя, и братию, и други, и соседы, и вся православныя христианы, и спаси мя молитвами всех святых.
И приими в честь сия псалмы и молитвы, яже глаголах пред Тобою за ся, и немерзко Ти буди с воздыханием моление сие, яко милостив сый и Человеколюбец, и Тебе Безначальнаго Отца славим со Единородным Твоим Сыном и со Святым Духом, ныне и присно, и во веки веков. Аминь.

Посем
Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Слава Отцу и Сыну и Святому Духу, и ныне и присно и во веки веков. Аминь.

Господи, помилуй (трижды). Благослови.

Господи Иисусе Христе, Сыне Божий, молитв ради Пречистыя Твоея Матере, силою Честнаго и Животворящеаго Креста и святых Небесных сил бесплотных, и преподобных и богоносных отец наших, и святого пророка Давида, и всех святых, помилуй и спаси мя, грешнаго, яко Благ и Человеколюбец. Аминь.